二三十年來的歹癖，猶原不時會夯起來。萬項代誌攏會使親像針佇揻。聲音，氣味，形影，話語，目色，姿勢。
定定掠準電腦拍開，故事著會家己講落去。毋過干焦看著鏡台內底彼箍歹面腔的，惦惦無一句話（故事咧？故事走哪裡去？），目睭仁青凝凝，袂振袂動。伊越頭過來，我驚甲隨越頭過去。
鼻空又閣擽擽矣，拍一个咳啾（佗一个？），伊無影無跡，我嘛雄雄毋知人去。
精神了後，總是繼續屈佇遮，踞佇遮，走跳，起舞挵鼓，放蕩逍遙，歇喘攏嘛佇遮。聽候彼一日，應該嘛是著愛種佇遮。
二三十年來的歹癖，猶原不時會夯起來。萬項代誌攏會使親像針佇揻。聲音，氣味，形影，話語，目色，姿勢。
定定掠準電腦拍開，故事著會家己講落去。毋過干焦看著鏡台內底彼箍歹面腔的，惦惦無一句話（故事咧？故事走哪裡去？），目睭仁青凝凝，袂振袂動。伊越頭過來，我驚甲隨越頭過去。
鼻空又閣擽擽矣，拍一个咳啾（佗一个？），伊無影無跡，我嘛雄雄毋知人去。
精神了後，總是繼續屈佇遮，踞佇遮，走跳，起舞挵鼓，放蕩逍遙，歇喘攏嘛佇遮。聽候彼一日，應該嘛是著愛種佇遮。